Monako vazhdon të befasojë në këtë sezon të Ligës së Kampioneve. Skuadra nga Principata siguroi një vend në gjysmëfinale pasi eliminoi Borusian e Dortmundit.
Pasi kishte hedhur një hap të madh me suksesin 3-2 jashtë fushe në përballjen e parë, skuadra e Leonardo Zhardimit e fitoi edhe duelin e kthimit me rezultatin 3-1.
Francezët e nisën me vrull ndeshjen dhe që në minutën e tretë i përhershmi Kilian Mbape kaloi në epërsi ekipin bardhekuq. Misioni për vendasit u bë edhe më i thjeshtë me golin e Radamel Falkaos në të 17-n.
Miqtë nga Gjermania u përpoqën të futeshin në lojë me golin e Marko Rojsit tri minuta pas pushimit, por Valer Zhermein shoi ëndrrat e tyre vetëm pak sekonda pasi u fut në vend të Mbape (81’).
Monako – Borusia Dortmund 3-1 (3-2
3′ Mbape, 17′ Falkao, 81′ Zhermein / 48′ Rojs
Monako: Subashiç, Ture, Glik, Mendi, Xhemerson, Bakajako, Lemar, Mutinjo, Silva, Falkao, Mbape
Trajner: Leonardo Zhardim
Borusia Dortmund: Burki, Guerero, Gitner, Sokratis, Pizhçek, Veigl, Shahin, Rojs, Kagava, Durm, Aubamejang
Trajner: Tomas Tuhel
Gjyqtar: Damir Skomina (Slloveni)